Page 2 - Türk Dili ve Edebiyatı 11 | 3.Ünite

3. Ünite

OKUMA ÇALIŞMALARI

Hazırlık

Namık Kemal’in “Edebiyatsız millet, dilsiz insan gibidir.” sözünden ne anlıyorsunuz?

HÜRRİYET KASÎDESİ

1. Metin
Görüp ahkâm-ı asrı münharif sıdk u selâmetden
Çekildik izzet ü ikbâl ile bâb-ı Hükûmet’den

Usanmaz kendini insan bilenler halka hizmetden
Mürüvvet-mend olan mazlûma el çekmez iânetden

Hakîr olduysa millet şânına noksân gelir sanma
Yere düşmekle cevher sâkıt olmaz kadr ü kıymetden

Vücûdun kim hamîr-i mâyesi hâk-i vatandandır
Ne gam râh-i vatanda hâk olursa cevr ü mihnetden

Muini zâlimin dünyâda erbâb-ı denâetdir
Köpekdir zevk alan sayyâd-ı bî-insâfa hizmetden

Hemân bir feyz-i bâkî terk eder bir zevk-i fâniye
Hayâtın kadrini âlî bilenler hüsn-i şöhretden

Nedendir halkda tûl-i hayâta bunca rağbetler
Nedir insâna bilmem menfaat hıfz-ı emânetden

Cihânda kendini her ferdden alçak görür ol kim
Utanmaz kendi nefsinden de âr eyler melâmetden

Felekden intikâm almak demekdir ehl-i idrâke
Edüp tezyîd-i gayret müstefîd olmak nedâmetden

Durur ahkâm-ı nusret ittihâd-ı kalb-i milletde
Çıkar âsâr-ı rahmet ihtilâf-ı rey-i ümmetden

Eder tedvîr-i âlem bir mekînin kuvve-i azmi
Cihân titrer sebât-ı pây-i erbâb-ı metânetden

Kazâ her feyzini her lûtfunu bir vakt içün saklar
Fütûr etme sakın milletdeki za’f u batâetden

Değildir şîr-der-zencîre töhmet acz-i akdâmı
Felekde baht utansın bî-nasîb erbâb-ı himmetden

Ziyâ dûr ise evc-i rif‘atinden ıztırârîdir
Hicâb etsün tabîat yerde kalmış kâbiliyyetden

70